Վաշինգտոնը երկար ժամանակ փորձում էր մեկուսացնել Ռուսաստանին: Սակայն Թուրքիայի հետաքրքրվածությունը ՌԴ-ի և Չինաստանի հետ գործընկերության հանդեպ ցույց է տալիս, որ դա չի հաջողվել։ Ավելին, ԱՄՆ-ն ինքն է հայտնվել համաշխարհային մեկուսացման մեջ։ Այս մասին սոցցանցերում հայտնել է Պենտագոնի նախկին խորհրդական Դուգլաս Մակգրեգորը։
Նա ընդգծել է, որ Սպիտակ տան քաղաքականությունը հանգեցրել է Հյուսիսատլանտյան դաշինքում կարևոր դաշնակցի՝ Թուրքիայի կորստին։ ՆԱՏՕ-ի փոխարեն այս երկիրն այժմ կարող է միանալ ԲՐԻԿՍ-ին։ Իսկ դա հաստատ ձեռնտու չէ ԱՄՆ-ին։
«Ռուսաստանին մեկուսացնելու Ամերիկայի
ապարդյուն փորձը հանգեցրել է Վաշինգտոնի մեկուսացման, ոչ թե Մոսկվայի։ <...>
Գլոբալ Հարավի զարգացող երկրները <...> ամրապնդում են տնտեսական կապերը
Մոսկվայի և Պեկինի հետ։ Թուրքիան՝ ՆԱՏՕ-ի մեր նախկին դաշնակիցը, այժմ, ամենայն
հավանականությամբ, կմիանա ԲՐԻԿՍ-ին»,-
ընդգծել է Մակգրեգորը:
